أفضل مشرف لهذا الشهر

أفضل منتدى لهذا الشهر

أفضل عضو لهذا الشهر


العودة   منتدى كويت 25 > ©¤ منتديات الطالب ¤© > المنتدى الجامعي لطلبة الكويت NUKS

إضافة رد
 
أدوات الموضوع انواع عرض الموضوع
قديم 20-09-2008, 07:08 AM   #11
*شيخة الزينات*
عضوة شرف
 
الصورة الرمزية *شيخة الزينات*
 
تاريخ التسجيل: 28-06-2007
الدولة: الكويت
المشاركات: 15,684
معدل تقييم المستوى: 0
*شيخة الزينات* يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

["]

العلوم الأسرية
ألفريد أندرسون


اينن , واايد خوش دكتور

يبيلكم أول كلاس تستوعبون لهجته و بعدين كل شي يصير تمام
يفهم عدل و درجاته اتينن
- بيرول كبير
دكتور محترم وايد وانسان يهبل ،، يحترم الكل ويقدر البنات ..

امتحاناته وايد سهله لانها كلها من الكلاس اكتفيتي ،، ويحب البنت اللي تهتم بالمادة يعني حتى لو ماتحبون المادة ومو عاجبكم شي سووا روحكم مندمجين وسألوا اسئلة وجذي راح يشرح لج من قلب ويحبج ويساعدج بالدرجات :) ويحب البنت التي تحضر ويحاول يسوي اي شي بس عشان يساعدها ،، صج ان درجتي مو ذاك الزود بس الصراحة انا مادرست عدل حق الفاينل لان سارتلي ظروف .. على فكرة الفاينل بعد سهل لأنه كله من الكلاس أكتيفيتي .. الله يعطيه العافية

- فاروق الصبان

وااايد يسولف بالمحاضرة و يطلع برة موضوع المحاضرة , يطلب اشياء تعجيزية بكل الهوم وورك و كل شي يبيه يكون بيرفكت
دكتور فاروق يضحك بويهج و من وراج شي ثاني , وااايد حجااي و في شي ما يعجبني فيه و اهو انه يحش بالدكاترة جدام الطلبه ما خلا دكتور ما تكلم عنه , يا دكتور ترا مو حلوة بحقك يلي ماسك علينا كل كلمة والثانية اخلاقيات المهنة
عموما درجاته حلوة و يعطي بونص و اذا بنعيد الامتحان عادي عنده , انصح فيه من ناحية الدرجات

الفنون والتصميم
- خالد النجدي


انسان فاهم..

من الناس اللي نفتخر بكونهم كويتيين..
افكار متجدده ، يشجع الابداع

- إيفون ويكفيلد
صح تغيرت د.ايفون

بس انا ماظلمتني ,, انا اساسا ماعرف ارسم شي
بس طلعت بالمادة B لان كنت أسوّي اللي تبيه حتى لو موبذاك الجودة,,وأسلملها الاسايمنت بوقته وماأغيب وما أتأخر

اهي تحاسب على التأخير مثل ماقالو بالدقايق ..
بس كنت احس بملل موطبيعي بمحاضرتها .. وكنّا ننطر الوقت يخلص
وكانت تكرفنا وتشغّلنا وايد بالمحاضرات وتعطينا أسايمنتز وايد

- روسالي مكريا
هاذولا الناس الفاهمه و المحترمه و لا بلاش

يمكن كدرجات ما تعطي وايد بس تأسس بشكل غير طبيعي و تعطي معلومات وايد زينه و فاهمه و انسانه قاعده تدرس في مجالها

و الله يعينها على رئيس القسم امبهذلها و مو معطيها حقها

و انصح تاخذون عندها و راح تتعبون وايد بس تستفيدون اكثر

علم التواصل واللغات
- أحمد ساهر
السلام عليكم ورحمة الله وبركاته

دكتور جدا محترم
امتحاناته حييل سهلة .. اي شي يوصيكم عليه حق الامتحان درسوه .. وركزو عالكوزات اللي بنهاية كل فصل لان ساعات يعطيكم منها ..

اي ولا تضايقونه.. من الممكن انكم تسمعون منه كلمة "انا زْعْلْتْ" واذا زعل اما يغيب اسبوع ويطوفكم الشرح وتأخرون ,, او انه يكون محددلكم كمية قليلة جدا حق الفاينل , ويزيدها لكم جزاء لفعلتكم, فالحذر الحذر !
وانا مايبت D الا لاني ماكنت ادرس كل اللي يحدده لنا حق الامتحان .. وترى مايحب التأخير ..

خوووش واحد وانصحكم تاخذون عنده

- طارق الشطي

صراحة خوووش دكتور تعاملا .. اخلاقا .. تساهلاا ..

غشمرجي.. بس عندنا فجآت مو طبيعية...

وبداية كل كورس يقوولكم شي "هذا الفلاش ميموري ,, اذا نسيته على يوم ويابتلي ياه وحده اعطيها A " ولا ينساه الله يهداه ..

امتحاناته صج حق اللي يدرس بتصير شحليلها .. بس اللي بيدرسله جم جابتر .. وجم جابتر عبور الكرام بياخذ مثلي C ..
عنده جم اعمال يعطيكم عليها بوناص مثلا .. تحضرون محاضرة حق دكتور ياي من برة .. عليها درجة .. وفي بونس ثاني "تجربة التأتأة مع الناس برة الجامعة" وتقولين شنو شعورج وردة فعل اللي جدامج .. عليه جم درجة .. وسويته مع رفيجتي .. كانت خووش تجربة والله ..

انصحكم تاخذون عنده

- أمل العدواني

الدكتوره وايد محترمه وو حليييوه
اذا مشيتي معاها و تسون مثل ما تقوول ولا تراديدينها تعطيج حقج و زيااده مثل ما سوت معاي

علوم المعلومات
- جهاد الدلال


دكتور محترم وخجول شوي
بس حقاني لدرجه فظيعه يعني اذا لج 1.% يسجله بالضبط
متفهم ويراعي
دوم يطالع مستوا البنات وايب على أساسهم الامتحان
شرحه حلو ومبسط يمشي معاج حبه حبه سلايد سلايد يشرحلج كل شي وماعنده مانع يعيد الشغله حته لو تخلص المحاضره
لو بتاخذون اي مادة اي تي اهو احسن دكتور اي تي

هلال الحمادي

الدكتور هلال دكتور محترم جدا وراقي يعامل طالباته بكل احترام يراعي ظروف الطالبات ويشرح بذمه وضمير ومايمانع الأسأله أثناء الشرح صراحه دكتور ممتاز وأنا أنصحكم تاخذون عنده صح اهو شديد شوي ولكن مايقصر بالبونس ويشجع الطالبات على الدراسه ويبسط المعلومات كثر مايقدر ...

أنا لو بايدي اعطيه فوق الدكتوراه دكتوراه ^_^
بول مانويل
دكتور حدا محترم وحبووووووووووووووب

شرحه مفهوم وواضح ..

واحلا شي انه يعطي بريكات بنص الكلاس يعني عل اقل 5 دقايق يورينا سلايدات غريبه او تضحك ..

ووايد يراعي ضروف الطالبات ..

بس مادري شلون يبت هالدرجه ادري من ايدي واهوا كفا ووفا ويانا ..

عام
- مريم الشهاب

خووش دكتورة ومحترمة ..

تعطينيا حقنا وفوق .. وايد متساهلة .. يعني انا ورفيجتي تأخرنا كذا مرة بس مانقصتنا .. وسلسة معانا .. في تحديد وقت الامتحان.. امتناتها سهلة . أساسا 126 مافي الا جم امتحان سهل ..

سندس سليمان
خذيتها صيفي
المادة سهلة حيل وتتساهل وايد معانا
بس لازم اطبق بالضبط الي تقوله
ولازم تكتشف نفسك بنفسك شنو تسوي بالبرزنتيشن وأي طريقة وشلون ... لأنه شرحها عادي وسريع وقليل ..

لا تتأخر عن المحاضرة ولاتوقف بره خلك داخل الكلاس
اذتنا شوي من ناحية الحضور والغياب لأنه ماتحط اعلان ولاتقول قبلها .. وكانت تعاقب الكلاس كله اذا واحد او اثنين غلطوا عليها او نرفزوها ..

خلك محترم معاها تحترمك وتساعدك

- إيهاب الصليلي
بالنسبة حق التدريس أنا ما اقول انه ممتاز .. بس زين
بس في حركة ما حبيتها منه .. كذا مرة وعدنا بدرجات زينة بين A و B و خون فينا .. أغلبنا عطانا C
والامتحانات كانت وايد صعبة صراحة .. درستي والا ما درستي ماكو فايدة ما ينفع
بس أنا أنصح فيه لان أحسن من وايد غيره برايي ..[/]
*شيخة الزينات* غير متواجد حالياً   رد مع اقتباس
قديم 20-09-2008, 07:57 AM   #12
*شيخة الزينات*
عضوة شرف
 
الصورة الرمزية *شيخة الزينات*
 
تاريخ التسجيل: 28-06-2007
الدولة: الكويت
المشاركات: 15,684
معدل تقييم المستوى: 0
*شيخة الزينات* يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

آراء أعضااء القسم الجامعي


اقتباس:
المشاركة الأصلية كتبت بواسطة `9i
اقتباس:
رشيد القناعي شرحه فظيع و طيب

راشد العجمي ممتاز بالشرح

مهدي السلمان كريم بالدرجات

احمد ماهر روعه شرحه و امتحاناته سهله

الطحيح رائع بالشرح و الامتحانات

اقتباس:
المشاركة الأصلية كتبت بواسطة pinky_rose

وعليكم السلام,,

الحمدلله بخيير ..

افضل 5 دكاتره اهما..

ياسر الحيلواني ,,, حقاني ومحاظرته ممتعه امتحاناته سهله يس متشدد بالغياب والحضور

نبيله الكندري ,,دكتوره كلمه حبوبه شويه عليها انسانه مثقفه تزيدج متساهله حييل هاديه محاظرتها حييل عاديه اغلبها مناقشات ,,

يعقوب جعفر ,, يزيدج ما ينقصج راقي بتعامله هم شديد عالغياب

سوري بس جربت هالثلاث بالتربيه..

سوري عالتاخيير ..
اقتباس:
المشاركة الأصلية كتبت بواسطة صـــالــح الجــــابر

1- د.اسماعيل السيد - قسم التسويق
دكتور مخلص في شغله وحيل استفدت منه

2- د. عبدالفتاح الشربيني - قسم التسويق
عليه كيرف مو طبيعي

3- سحر حديدي - وحدة اللغه الانجليزية
شرحها ممتاز وتعاملها راقي

4- د.رشيد القناعي - قسم المحاسبة
صج دكتووور محترم ويفهم غصب طيب

5- د.حسني حمدي
كافي محد يسقط عنده ..
اقتباس:
المشاركة الأصلية كتبت بواسطة عتيبي هواوي
عامر الصالح اجتماع حبوب ومو شديد

كامل الفراج علم نفس حبوب ويحن على الطلبه

ابراهيم الهدبان سياسه حبوب ومعاملته زينه

نبيله شهاب طيبه وعلى النيه

هيفاء الكندري خدمه اجتماعيه حبوبه وحاسه بالطلبه

واسفين عالازعاج
اقتباس:
المشاركة الأصلية كتبت بواسطة حقوقيه2007


خالد زغلول وشاهين الشاهين وفيصل الفهد وخليفه الحميده وعبد العزيز العنزي.

السبب: مو كلهم درسوني بس هذيلا متفاهمين ومرنين بالتعامل وطيبين :)
اقتباس:
المشاركة الأصلية كتبت بواسطة ×،ألمــلتـاع ،×
أفضل 5 دكاترة بكليتنا


1 د.عبدالله محمد الهاجري قسم التاريخ

2 د. عبدالهادي ناصر العجمي قسم التاريخ

3 د. مناور بيان الراجحي قسم الإعلام

4 د. مرسل فالح العجمي قسم اللغة العربية

5 د. شيخة بنت جاسم قسم الفلسفة
*شيخة الزينات* غير متواجد حالياً   رد مع اقتباس
قديم 20-09-2008, 08:10 AM   #13
*شيخة الزينات*
عضوة شرف
 
الصورة الرمزية *شيخة الزينات*
 
تاريخ التسجيل: 28-06-2007
الدولة: الكويت
المشاركات: 15,684
معدل تقييم المستوى: 0
*شيخة الزينات* يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

اقتباس:
المشاركة الأصلية كتبت بواسطة «« العقربهـ »»
عامر الصالح : حبوب ويعطي امتياز

احمد الهولي : يعطي امتياز ويمدحونه

حمود القشعان : تدريسه حلووو

سعد الجابر : اخذت عنده وعجبني تدريسه

عبدالله اللنقاوي : تدريسه حلو وحقاني
اقتباس:
المشاركة الأصلية كتبت بواسطة قااايد الريم
انا بكليه العلوم الاجتماعيه
وافضل دكاتره اهم

كامل الفراج اولا
نعيمه طاهر
امينه السماك
المشعان
وعواد برد بالشريعه


هذيل اللي جربتهم وعجبوني
سواء بالدرجات والا بطريقه الشرح حيييل بس اكثرهم كامل الفراج مو طبيعي هالدكتور عجيب من كل النواحي


اقتباس:
المشاركة الأصلية كتبت بواسطة ~ { غربة روح ..



و عليكم السلام و رحمة الله و بركاته ..

::

اخباركم ..

بخير عساج بخير يا رب ..


.
.

أفضل 5 دكااتره بكليتكم اهماا ؟؟ وليش ؟

بـ ما إني بـ كلية العلوم إلي تنقسم لـ علوم بيولوجية و علوم رياضية طبيعية راح أتكلم عن دكاترة البيولوجي بـ ما إني طالبة علوم بيولوجية ..


- د. دينا الميلم [ Microbiology ]

شرحها أكثر من رائع ..
تعاملها فوق الرائع مع الطلبة .. تعتبرهم أخوانها أكثر من كونهم مجرد طلبة .. خذيت عندها مرتين و أتمنى لو أقدر آخذ عندها كل المقررات




- د.غانم عبّادي [ Botany ]

دكتور في غاية الإحترام مع طلبته ..
يبسّط المنهج لـ طلبته لـ أقصى درجة .. و إمتحاناته حييييل سهلة و كله من النوت إلي نكتبه معاه ماكو شي من برة ..




- د.خالد القطان [ Biology ]

يتعامل بـ كل إحترام مع طلبته ..
شرحه أكثر من رائع .. متواضع لـ أبعد حد .. تعاملت معاه قبل لا أصير طالبة عنده .. إنسان أكثر من رائع .. هادي .. خلوق .. يتكلم بـ صوت وآآآآطي .. يحسس إلي جدامه بـ الراحة .. أحسه أبو أكثر منه دكتوري بـ الجامعة ..
و إمتحاناته مستواها زين ..



- د.حسين العوضي [ Microbiology ]

يعامل طلبته بـ إحترام تام ..
شرحه أينن .. و محاضرته حييل ممتعه .. الطالب ما يحس بـ ملل أبد ..
عيبه إنه ما يلتزم بـ كتاب معيّن عند الشرح يشرح من عدة كتب و إمتحاناته صعبة شوي ..

بس بـ غض النظر عن هذا و ذاك الدكتور أكثر من رائع ..
و أهو إلي حببني بـ تخصص الـ Microbiology و قررت إني أتخصصه ..



- د.عيدة المطيري [ English ]

شرحها حييييل حلووو .. و تعطي وايد Exercises بـ المحاضرة و لـ البيت بعد .. تخلي إلي شرحته يرسخ بـ عقول الطلبة ما ينّسي ..

.
.

طبعاً في دكاترة كثيرين زينين بس هذول إلي أخذت عندهم مواد و عن تجربة شخصية لمست فيهم إلي قلته ..




اقتباس:
المشاركة الأصلية كتبت بواسطة عبدالرحمن_



وعليكم السلام

بخير الله يسلمج

اممم من الكليه بكبرها شوي صعبه لو من قسم اشوي اسهل

بس بقول الي اعرغهم الحين واتذكرهم

1- احمد الجسار قسم الفيزياء
الشرح ممتاز
التعامل ممتاز
الدرجات يساعد ويتفهم ظروف الطلبه ويقدر صعوبه الماده
المحاضره ليست ممله ويربط المواضيع بالحياة
بس ما يتقبل الاسئله واذا استقبل يعصب :) بالمحاضره اما بالمكتب يرحب فيكم


2- امينه رضا قسم البيولوجيا

نفس ميزه الدكتور احمد الجسار بس الفرق بالمحاضره
اشوي ممله وتتقبل الاسئله بالمحاضره :)

3- هاني فران قسم الرياضيات

نفس ميزه الدكتور احمد الجسار بالاضافه الى انه يستقبل الاسئله والمحاضره غير ممله :)
اقتباس:
المشاركة الأصلية كتبت بواسطة ^مستقلاوي^
1- حسين حيدر "فلسفه "

2- عايشه مبارك "تاريخ"

3-ليلى السبعان"لغة عربيه "

4-عبدالله احمد الكندري"لغة عربيه "

5- الزواوي بغوره "فلسفه"

ليش؟

1-حسين حيدر حبوب شبابي مو كبير مو شايف نفسه يقدر الظروف والحالات الخاصة سواء انذار او ظروف يحاول يرفعكبحقك يعني لو خايرها بالامتحان يعطيك مجهودات اضايه انك تييب القريد اللي تبيه ..

2-عايشه مبارك ام مو دكتوره وايد من الطلبه مايقولولها دكتوره يقولوله يما :)

3- ليلى السبعان نفس الشي :)

4- عبدالله احمد ملتزم ويخاف الله بالدرجات كثر مايقدر يحاول مايظلم ويساعد ويرفع بس ينيه واحد يغش ولا يدخل براشيم :)

5- الزواوي بغوره فاهم مادته يحب تخصصه وفاهمه يدخل المعلومه غصب ومحترم لآخر درجة ويتواصل حتى مع طلبته اللي كانوا ماخذين عنده وادش عنده بكورس مو ماخذ عنده ماده اساله عن شغلات يرد علي ويشرحلي ويفهمني ومايقصر


وشكرا
اقتباس:
المشاركة الأصلية كتبت بواسطة To0oTaa


عليكم السلام .. بما انج سالتي عن افضل 5 بقولج افضل دكتور مر علي من كل قسم بالكليه :)

نبدي بتخصصي اللي اهوا المحاسبة: دكتور رشيد الجناعي .. دكتور بكل معنى الكلمة اينن بكل شي شرحة واضح و مرتب و اسلوبة وتعاملة مع الطلبة راقي وواحد ما يفرق بين الطلبة كلش
قسم الاقتصاد: دكتورة سلافة حديد .. اتينن وايد طيبة و تراعي و تقدر ظروف الطلبة واااااايد و حدها تفهم و امتحاناتها سهلة
قسم التمويل: دكتور طلاع الديحاني .. دكتور محترم في تعامله و شرحة عجييييييييييييب يوصل المعلومة عدل لو يعيد ملييون مرة ما عنده مانع و يقدر و يرفع وايد بالنهاية مع انه ما قصر معانا طول الكورس
قسم طرق كمية و نظم المعلومات: دكتور سليمان الرفيع .. حدة محترم و دايما عندة شي يديد يغير في جو المحاضرة الممل و يهمة انه نستفيد من المعلومة و نفهمها اكثر من انه نحفظها حق الامتحان
قسم الادارة و التسويق: دكتورة سمر باقر .. مع انها وايد تكدش بالهوم ووركس و الكويزز بس طيبة وايد و روحها حلوة و شرحها واضح و مرتب و امتحاناتها سهلة واايد و كل شي على بونس فوق هذا

ادري قرقت وايد بس اتمنى اكون جاوبت على سؤالج
..
*شيخة الزينات* غير متواجد حالياً   رد مع اقتباس
قديم 20-09-2008, 08:20 AM   #14
*شيخة الزينات*
عضوة شرف
 
الصورة الرمزية *شيخة الزينات*
 
تاريخ التسجيل: 28-06-2007
الدولة: الكويت
المشاركات: 15,684
معدل تقييم المستوى: 0
*شيخة الزينات* يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

اقتباس:
المشاركة الأصلية كتبت بواسطة SaMoOoRaH

وعليكم السلام ورحمة الله و بركاته


د.عامر الصالح قسم علم اجتماع
طيب و محاضرته زينه و خفيفه و يساعد بالكيرفات

د. قواز العنزي قسم علم اجتماع
محترم و ينصحنا دااايم , بس ما يرفع الكل بس الشاطره

د.عبدالله اللنقاوي قسم علم اجتماع
امتحاناته سهله كلها موضوعي . و ما ينزل الشاطره ابد

د. كامل الفراج قسم علم النفس
خوووش دكتووور يهبل يفهم و اللي يقول عليه بالامتحان
ما يتعبنا كلش و بالاخير احلى درجه يعطينا ياها

د. امثال الحويله قسم علم نفس
ماشا الله عليها و على روحها مرحة و محاضرتها توووونس
و تزيد كيرفات





وفي بعد دكاتره شكثر زينين
اقتباس:
المشاركة الأصلية كتبت بواسطة Princess

وعليكم السلام ..

هلا والله

افضل 5 دكاترة .. ممم

د.أبو بكر السيد

لان يتعامل مع الطلبه باحترام وشرحه وايد زين وامتحاناته سهلة


د.هالة الجسار

شرحها عجيب ووايد حلو وتعطي درجات


د.الاخضر بن خروف

دكتور حبوب يتعامل مع الطلبة باحترام وشرحه يهبل وايد حلو وامتحاناته سهلة ويعطي درجات


د.محمد غيطاني

دكتور حبوب .. شرحه عجيييييييب ويعطي درجات


د.اوريليان بيجانكو

دكتور طيب وحبوب .. شرحه زين ويعطي بونصات وايد
اقتباس:
المشاركة الأصلية كتبت بواسطة ●●DLoO3aT OmHa

وعليكم السلام

الحمد الله تمام

وانتي ؟

5 والله ما ادري توني اول سنه كل الي درسوني 6 يعني اقولهم كلهم :1 (8):


بس افضل دكاتره من الي درسوني

خليفه الحميده ماشاء الله عنده قوه صبر على البنات ويعيد الشرح مليون مره ما عنده مشكله ماشاء الله عليه


عبد العزيز العنزي عنده اسلوب حلووو ويحسبج مثل بنته
ويعطي نصايح فضيع هالريال


خالد زغلول شرحه حلوووو وطيب واينن لمن يسولف ولا لمن بزف يعني يصارخ اخر شي يضحك ولمن البنات يمدحونه
يصير ويها طمامه ههههههههههه

وبس
[quote]
اقتباس:
المشاركة الأصلية كتبت بواسطة .•°S P A R T A C U S°•.


يا هلا والله

افضل دكاترة كليتنا امممممم

شوفي آنا بعدي ما تخصصت وانا الحين بكلية العلوم ويعني مثلج عارف اخذ عند هذا بالماده الفلانيه والتخصص الفلانيه واخذ عند هذا ..

الآداب : عندج إيمان معرفي في اللغه الانجليزيه صراحه مره حقانيه وتعطي الطالب حقه وزياده وهم تساعد اذا في مجال من ناحية الحضور .. يعني ممكن ترفع قريد ماكو اشكال

التربيه : عندج تاريخ الحضاره الاسلاميه عند جمال الزنكي والعصفور . واثنينهم واحد احلى من الثاني.. كلهم يقولون انا ازيد عالقريد وهم يعطون الطالب فوق حقه وهم نفسيتهم حلوه حيل ويتعامل مع الطلاب كعيالهم

الحقوق : سعد الهاشل في الثقافه القانونيه ممتاز جدا جدا
لدرجه انه اللي يطلبه ما يرده ويحب السوالف والخروج عن النص :1 (8):

الشريعه : حسين جليعب هالدكتور شديد شوي في التعامل والمزح لكن للأمانه اللي يكلمه ويقوله عن ظروفه لا سمح الله او صار شي ما يقصر معااه كلش يعني مثلا ان كان معطي واحد دي وراح كلمه وشرحله انه بيحول ومن هالسوالف يرفعه بي وانا اخذت عنده ثقافه اسلاميه ولج علي بالحضور عنده وفوق هذا امتحاناته هم ما قدمت زين وعطاني أي . اربع نقاط

وعندج في التربيه هم في مادة تعليم عالي .. الحمدان .. دكتور ولا احسن صج شرحه ما تفهمين منه ولا كلمه لكن هم يقدر الظروف ويعرف انه الطلاب ماخذين هالماده على اساس رفع المعدل وما يقصر كلش بس اهم شي عنده حضور وامتحاناته لج عليه فيها من الصعوبه شوي

وبس ..
اقتباس:
المشاركة الأصلية كتبت بواسطة جكنومه
و عليكم السلاام

,,

بـ صراحه انا اغلب المواد اللي اخذتهم مو بكليتي

اخذت عند ابراهيم الخليفي و انسان محترم و يقدر الطالبه و ظروفهاا

بس امتحاناته يبيلها شوي ذكااء لانهاا مو من الكتااب من خلال الفهم العاام !

خالد الرميضي زيين بس الغياب والحضور عليهم درجات امتحانات الميدتيرم openbook

openbook الفاينل لاا وامتحاناته موضوعيه !

نبيلة الكندري خوش دكتورة ومحترمه الغياب و الحضور عليم درجات بس امتحاناتهاا

امتحاناتهاا سهله و من الكتااب و شرحهاا حلو

بس هذي الدكاترة اللي اخذت عندهم بـ كليتي

:)
اقتباس:
المشاركة الأصلية كتبت بواسطة غَريبَـهْ

وعليكم السلام ..

اهلين اختي شيخة ..

أفضل 5 دكاترة عندنا بالتربية :




- مريم المذكور .. إدارة مدرسيّة .. ( لأنه تعاملها حلو مع الطلبة .. اسلوبها حلو بالشرح .. كمية المقرر سهله وبسيطة ومفيدة بعد .. الـ A مضمووونه عندها )


- خالد الرميضي .. أصول تربيَة .. ( شرحه واضح جدا ومبسط .. وراقي في اسلوب التعامل مع الطالبات .. وهم تضمنين الـ A )


- زهاء الصويلان .. اصول تربية/ تطور فكر .. ( من اروَع دكاترة القسَم .. من حيث اسلوب التعامل مع الطالبات ..ومراعاتها لظروفهم .. وشرحها حيييل واضح ومنظم )


- حمود المقاطع .. قسم علم النفس التربوي .. ( من افضل دكاترة قسم علم النفس بالتربية .. )


- علي وطفا .. تطور فكر تربوي .. ( اسلوبه وتعامله مع الطالبات راقي جداً .. ودائما يبسّط المقرر .. والكل يضمن عنده الـ A )




وبس :)

موفقةَ يآرب

اقتباس:
المشاركة الأصلية كتبت بواسطة مـلاك الشـوق


وعـلـيـكـم الـسـلام

بما اني بكلية العلوم فالدكاترة اهم:

1- هاني فران calculus A

شرحه يهبل وما تطلعين من المحاضرة الا وانتي فاهمته كل شئ ويوصل المعلومة بطريقة حلوة تعامله مع الطلبة راقي ووايد محترم

2- شهريار الهدى احصاء 101
خذيته باول كورس لي بالجامعة والمحاضرة كلها بالانجلش فكنت ضايعة حدي بس الدكتور بصراحة ما قصر قبل الامتحان يعطيج نموذج عن الامتحان شلون بكون يعني باختصار الامتحان نفسه بس الارقام غير ويساعد وايد يعني عادي بالامتحان يحلج مسألة كاملة ما عنده مانع بس هم حبوب بالمحاضرة طيب غشمرجي يحببج بالمحاضرة غصبن عليج تعامله حلو مع الطلبة


3- ايمان معرفي E161
شقول وشخلي عنها بصراحة شهادتي فيها مجروحه شرح رائع وممتاز تعامل راقي تقدر الظروف امتحاناتها سهلة واحسن منها ما شفت

4- نادية الشايجي E162

اول شئ خرعوني فيها اللي يقول كل شئ عندها صعب تصعب الامور زيادة عن اللزوم وشديدة حيل بس اللي شفته عكس اللي سمعته تماما دكتورة نادية اكثر من رائعة كثر ما اتكلم ماراح اوفيها حقها شرحها رائع تعاملها ممتاز مع الطلبة اسلوبها راقي يعني باختصار دكتورة تستحق الاحترام

5-نازك التركي علم نفس 101
صج ان المادة دسمة ويبيلها مجابل بس الدكتورة وايد سهلتها الدكتورة وايد حبوبة صج شرحها بعض المرات ينوم بس تهبل امتحاناتها وايد سهلة وما تطلع من شرحها
اقتباس:
المشاركة الأصلية كتبت بواسطة DirecTor.Q8

وعليكم السلام هلا اختي شيخه ،،

الافضل حسب الي اخذتهم انا وجربتهم :

141 : مالك الحسين : دكتور حقاني ومحترم ومايظلم كلش صراحه اخذت عنده بعد تمهيدي بعد ،،
وبعد يمدحون الدكتوره منى سالم .
جماليات الادب العربي : اخذتها عند الدكتور وجيه اسماعيل خوش دكتور والله الااختبارات متوسطه وشرحه
زين ويرفع اخر الكورس وايد .
الدكتور محمود الموسوي خوش دكتور والله الامتحانات من النوت و سهله . ويرفع حيل اخر الكورس ..
واي اسأله بالخدمه ..
..
*شيخة الزينات* غير متواجد حالياً   رد مع اقتباس
قديم 20-09-2008, 08:39 AM   #15
*شيخة الزينات*
عضوة شرف
 
الصورة الرمزية *شيخة الزينات*
 
تاريخ التسجيل: 28-06-2007
الدولة: الكويت
المشاركات: 15,684
معدل تقييم المستوى: 0
*شيخة الزينات* يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

اقتباس:
المشاركة الأصلية كتبت بواسطة احلى جامعية
هلا حبيبتي..

انا بالاجتماعية وافضل 5 دكاترة..

1.عامر الصالح..
2.كامل فراج..
3.عويد مشعان..
4.ناديه الحمدان..
5.احمد الحصم..

؟
اقتباس:
المشاركة الأصلية كتبت بواسطة DiPLoMaSy
1:مشاعل الهاجري ...القسم الخاص (قانون مدني )
2:عبيد المطيري ...مرافعات
3:ندي الدعيج...قسم القانون الدولي
4:خالد الهندياني ...قسم القانون المدني
5:بدر الخليفه ...مدير الادارة العامه للتحقيقات سابقا ,ودكتور مادة الطب الشرعي\الادله الجنائيه حاليا في كلية الحقوق
اقتباس:
المشاركة الأصلية كتبت بواسطة O0o 7aDaGa^GiRL

د. جمال النكاس
شخصيته قوية أكثر دكتور تأثرت فيه ، يحمر العين على البنات و يطرد اللي يتأخرون و يعطي بونص.

د. خليفه الحميده
امتحاناته صعبة بس يعطي بونص، حبووب و طيوب و يعتذر عن المحاضرات.

د. عبدالعزيز العنزي
محاضرته خفيفه و دمه خفيف و المادة سهله.

د.جلال إبراهيم
شرحه حلو و امتحاناته مناسبة و له خبرة طويلة بكلية الحقوق.

بس ما لقيت خامس
اقتباس:
المشاركة الأصلية كتبت بواسطة أسيرة الألم



وعليكم السلام والرحمة

سعود العبدالله --- لغة انجليزية
محترم ويشرح ويقدر الطلبة وظروفهم


نجاة حسين ---- اقتصاد
دكتوة شحرها ولا اروع بس تعطي كل طالب حقه


رشيد الجناعي , علي الهويدي --- محاسبة
شرح ولا اروع وما يحتاج حظور التتوريال اا كنتو ماخذين عندهم بس رشيد امتحاناته فيها شويه افكار


محمد مهران --- احصاء
شرحه ولا اروع

وتسلمين شيخه الزينات
اقتباس:
المشاركة الأصلية كتبت بواسطة الدمعه الضايعه


وعليكم السلام ^_^



بالنسبه حق تخصصي علم نفس افضل الدكاتره


كامل الفراج - امثال الحويله - نعيمه طاهر - احمد الهولي -

حمود القشعان ( علم اجتماع )




وبس
اقتباس:
المشاركة الأصلية كتبت بواسطة على وجهها سمة الأبرياء



وعليكم السلام ورحمة الله وبركاته

مممممممممممممممم عاد
انا متخرجه من الجامعه من سنتين :1 (8): بس هم بقولج ..

كليتي العلوم الاجتماعية

احسن الدكاتره اللي خذيت عندهم دكتور مصري شايب اسمه عبدالعزيز سالم كان يدرس بذمة وضمير وحقاني ويساعدج لأخر حدود خوش ريال مامر علي دكتور مثله للحين كل ما اذكره مع رفيجاتي اللي كانو معاي ندعيله

ودكتوره علم نفس اسمها نبيله شهاب كانت بعد خوش وحده وشرحها ممتاز لكن عيبها الوحيد امتحاناتها صعبه وطويله

ودكتور علم اجتماع محمد الحداد طيب وحبوب يعاملنا مثل بناته واغلب المحاضره يسولف عن المواقف اللي صادفها ايام ماكان يدرس الدكتوراه وعقب ماتخرج ومره يسولف عن ام العيال والفريج :1 (8): وامتحاناته حلوة اخذت عنده اكثر من ماده المحاضره مالته بسرعه تطوف مانحس بالوقت

ودكتور تبع كلية غير كليتي كنت ماخذه ماده في الشريعه ثقافه اسلامية وهو الدكتور وعضو مجلس الامه جمعان الحربش انسان قمة بالاخلاق والاحترام وحقاني لأبعد حدود نظام امتحاناته سهله ومرنه يعني عنده امتحانين اذا قدمتي بالاول فوق 27 من 30 ماله داعي تقدمين الامتحان الثاني ويدبل لج الدرجه

ودكتوره لبنى القاضي الصراخه ما اخذت عندها ماحصل نصيب لكن رفيجاتي وبنت عمي وايد كانو يمدحونها حقانية ووايد تساعد

وودي اقولج عن اسوأ الدكاتره على الاطلاق
دكتور هادي مختار اشكناني + خالد الشلال <<<ودي اقول ليش بس اللهم اني صائمه

اقتباس:
المشاركة الأصلية كتبت بواسطة MisS-Persi
هيفاء السنعوسي
سعاد عبدالعزيز
عبدالله محارب
صباح السويفان
صالح الناجم

واسفه على القصور ^^
اقتباس:
المشاركة الأصلية كتبت بواسطة محمد النصافي

وعليكم السلام والرحمه


بخير الله يسلمج



افضل 5 دكاتره


1_د.دعيج المطيري العميد المساعد للشؤن الطلابيه السابق
2_د.خالد الرشيدي
3_د.فهد الكندري
4_د.شافي العجمي
5_د.وليد العلي



اخترت هالدكاتره


للامانه العلميه الي يتحلون فيها


وفن التعامل الراقي مع الطلبه والاخلاق العاليه

الي تحبب الطلبه فيهم

وشاكرلج عالجهد الي تسوينه .....

اقتباس:
المشاركة الأصلية كتبت بواسطة ريـــم Q8
وعليكم السلااام

هلاا واللهـ فيج ومرحباا ..

انا اشوف افضل الدكاترهـ بكليتي الاجتماعيهـ اهم

عامر الصالح لانهـ بصراحهـ اسلوبهـ راقي ومحاضرتهـ تونس ويرفع بالدرجات وامتحاناتهـ حييل سهلهـ

نبيلهـ شهاب حبووبهـ وما تظلم احد بالدرجات

وامثال الحويلهـ فظيعهـ شوي عليهاا من كل النواحي سواء درجات ولا اسلوب ولا امتحانات سهلهـ

عويد المشعان تحسين يشرح من قلب وهم ما يقصر بالدرجات ومحاضرتهـ حلوهـ

وبس انا هذوول اللي اشووفهم حلويين :1 (8):
رايي بدكاتره كلية الحقوق ..

بصراحه اغلبيه الادكاتره عسل .. بس بقول 5 مثل ماطلبت منكم
1. د. عبدالسلام العنزي دكتور طيوب حده ومحترم حتى لي عصب مستحيل يصرخ او يجرح احد بس يقول اذا سمحتي طلعي برى دكتور قمة بالاحترام وامتحاناته سهله ايده خفيفه بالتصليح ويعطي درجات بالهبل .. بس يلتزم بالحضور والغيااب وماايحب التاخير والسوالف بالمحاضره .
2. د. رشيد العنزي حده طيووب وشرحه رووعه يفهم ويدخل المعلوومه غصب ووايد محترم يخاف على مصلحة الطالبات امتحاناته صعبه وايد بس بالنهايه يساعد .
د. خليفة الحميده . هالدكتور اموت فيه جد خوش دكتور من جميع النواحي نكته حده متفهم امتحاناته صعبه شوي بس على شرحه دايم يعطيناا الاشياا المهمه اخذت عنده مادتين وبخاطري اخذ كل مواد الكليه عنده لان جد خووش دكتور .
د. محمد بوزبر يهبل هالدكتور بالشرح بالتعامل بطيبة القلب والامتحانات اهو صغير بالعمر بس يعتبرناا مثل خواته وداايم يسااعد ويراعي الطالبات لابعد الحدود واسلوبه وايد حلو بالمحاضره .
د. مشاري العيفاان دكتور شديد يحب الالتزام بس حبيب وطيب حده يحب البنت الهااديه ويحترم اللي تحترمه بس شديد وماايحب الغلط امتحاناته صعبه وايد بس ممكن يساعد شوي ووايد حقااني بالدرجات ..

ووايد وايد دكاتره بالحقووق حدهم عسل وطيووبين بس اكتفي ب 5 نفس الكل

الحين نقدر نقول صار لكم مرجع بسيط لافضل الدكاتره ..

اتمنى انه الموضوع ينال على اعجاابكم
واي رد لعضوو مو كاتبه يدزلي لان شوور نسيته ..

موفقين

آخر تعديل بواسطة *شيخة الزينات* ، 21-09-2008 الساعة 12:44 AM
*شيخة الزينات* غير متواجد حالياً   رد مع اقتباس
قديم 20-09-2008, 09:58 AM   #16
{ ~ أَحَــاسِـــيـــسْ !!
متشرنقے
 
الصورة الرمزية { ~ أَحَــاسِـــيـــسْ !!
 
تاريخ التسجيل: 18-04-2007
الدولة: الكويت.
المشاركات: 82,149
معدل تقييم المستوى: 0
{ ~ أَحَــاسِـــيـــسْ !! يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

السلام عليكم

ماشاءالله فكرة رائعه وقمة الافاده

يارب يستفيدون الطلبه منها

يعطيج العافيه
__________________
الحمدلله رب العالمين
اللهم اني اسألك العفو والعافيه

{ ~ أَحَــاسِـــيـــسْ !! غير متواجد حالياً   رد مع اقتباس
قديم 20-09-2008, 11:02 AM   #17
sisi_moon
صـديـقـه قـديــمه 25
 
تاريخ التسجيل: 26-04-2007
المشاركات: 72,077
معدل تقييم المستوى: 0
sisi_moon يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

وعليُكم السلام

عساج ع القوه مشرفتنا
ماتقصرينُ موضوع شامل..

يعطيج الف عااافيه
sisi_moon غير متواجد حالياً   رد مع اقتباس
قديم 20-09-2008, 12:21 PM   #18
يآلآيم بعد لآتلؤم
عضو شرف
 
الصورة الرمزية يآلآيم بعد لآتلؤم
 
تاريخ التسجيل: 12-06-2006
الدولة: ~_~
المشاركات: 19,475
معدل تقييم المستوى: 0
يآلآيم بعد لآتلؤم يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

وعليكم السلآم

مآشـآءالله مجهـوود طيب ^_^

الله يعطيج العآآفيـه مآقصـرتـي

عسـآآج عالقـووة

__________________
يآلآيم بعد لآتلؤم غير متواجد حالياً   رد مع اقتباس
قديم 20-09-2008, 12:47 PM   #19
MOLAZM *
لا تـقـارني بـغـيري
 
الصورة الرمزية MOLAZM *
 
تاريخ التسجيل: 25-10-2007
الدولة: kuwait
المشاركات: 33,298
معدل تقييم المستوى: 0
MOLAZM * يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

وعليكم السلام

مجهود حييييل رائع وتشكرين عليه

ويحليلهم دكاترة التربيه لووول

يعطيج الف الف الف عافيه

__________________


كـلـن عـلى نـيـتـه يـلـقـى تـوافـيـقـه
MOLAZM * غير متواجد حالياً   رد مع اقتباس
قديم 20-09-2008, 04:15 PM   #20
çôîôⓡş㋡
م / الوطن والامير ومنتدى الجامعي
 
الصورة الرمزية çôîôⓡş㋡
 
تاريخ التسجيل: 27-07-2007
الدولة: Q8
المشاركات: 57,468
معدل تقييم المستوى: 0
çôîôⓡş㋡ يستحق التميز
افتراضي رد: °ˆ~*¤®§][§][ تقييم دكاترة جامعة الكويت ][§][§®¤*~ˆ°

يعطيج ألف عافية على هالمجهود الاكثر من رائع ...

وان شاء الله الطلبة يستفيدون منه
__________________
çôîôⓡş㋡ غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 03:03 AM.

  شات كويت 25

شات الكويت  دردشة الكويت  شات الكويت الصوتي شات صوتي شات كتابي دردشة كتابية دردشة صوتية

 


Powered by vBulletin® Version 3.8.5
Copyright ©2000 - 2014, Jelsoft